Kung ang ‘yearly collection on quarry’ noong
ang mag-amang Lapid pa ang Gobernador
ay katumbas lang ng buwanang koleksyon
ng Capitol noong panahon ni Among;
At lalong lumaki ang buwanang kita
ng lalawigan nang si ‘Nanay Baby’ na
ang maupo matapos talunin niya
si Among Panlilio sa ‘return bout’ nila
Yan ay malinaw na pagpapahiwatig,
na ang hinala kay Ex-governor Lapid,
hinggil sa isyung siya ay posibleng sabit
sa ‘lahar scam’ ay di lang isang tsismis.
Kundi higit pa sa posibleng totoo
ang maliwanag na basehan sa isyu;
Pagkat ang kay Lapid kung ikumpara mo,
ang alin man kina ‘Nanay’ at Panlilio
Ay lubhang malayo itong kina Lapid,
‘in terms of millions’ ang perang ipinanhik
ng ‘quarrying’ sapol nang sina Among Ed
at ‘Nanay’ ang magkasunod na umugit
Sa pamahalaang lokal ng Pampanga,
na kung saan nag-‘multiply’ nga ang kita
ng kabang-bayan ng naturang probinsya,
sanhi ng malinis na ulat at kwenta
Ng ‘daily collection’ na higit ang laki
kung ikumpara sa dating yan ay ‘weekly’
na ng kita – nitong probinsyang nasabi
mula sa kung ating tawagin ay ‘quarry’
Dahilan na rin sa ngayo’y malinisan
Ang sistemang dapat sundin ng sinuman
Sa ‘quarry site’ at ang ‘per truckload’ ay bilang
Pati sa ‘checkpoints’ na kailangang daanan.
Na di katulad nang dati’y todo pasa,
ang ngayon ay sinusunod na sistema,
Pagkat ang ‘per truck load’ na ikinakarga
ng mga ‘haulers’ ay ‘accounted’ talaga.
At nawala na ang dating hokus-pokus
na pagmanipula r’yan ng nasa-loob
at ng kakutsabang mga taga-hakot,
(na naitatago marahil n’yan halos).
Nakapagtatakang ang ‘yearly collection’
ng mga Lapid nang sila ang Governor
ay halos ‘monthly’ lang sa koleksyon ngayon
Ni ‘Nanay Baby’ (at ng ‘priest-turned-governor’)
Yan ay malinaw na kung walang himala
na nangyayari nang kapanahunan nga
ng mag-amang ‘actor’, ano’t ngayo’y bigla
ang paglobo nito at karakaraka
Ang pagsirit agad, kung noon ay walang
di kanais-nais na salamangkaan,
na namagitan sa ‘haulers’ at iba pang
posibleng utak ng matinding nakawan?
(Nang panahon nila… na lubhang malayo
kaysa ang tunay ay di itinatago
sa mata ng Masa nitong di hunyango
kung kaya ang kita sa ‘quarry’ lumago?
Kaya hayan hanggang sa kasalukuyan
patuloy ang pag-unlad ng lalawigan
sa kamay ng taong tunay na uliran
ang adhikain n’yan sa panunungkulan!
Kaya para ano ang taga Angeles
Ay ipagpalit ang tulad ni Mayor Ed
Sa isang kagaya lang ng ating ‘main subject’
Na wala naman ding yatang ‘accomplishment’?!)
