(Kaugne ning pang-siyam nang pulu at walung banuang (98th) Aldo Kebaitan niting mapuring Kapampangan, iting poesia a ginale ning Poeta Laureadu Frank M. Guinto ning balen Macabebe para king merapat a pamagmasusi inggil keya kilub Museo ning Angeles ketang Oktubre 9, ning banuang salukuyan, at nu’ ing matenakan at kagalanggalang a ‘City Dad’ – Edgardo D. Pamintuan – ampo ing malagu nang esposa ding meging bisitang pandangal king masayang okasyun, iting makatuki ya pamung ibie mi para king malugud yung pamamasa)
Karing mapuri nang sapni ning marangal a liping Kapampangan,a makipagmasusi king ka-siyam nang pulu’t walung banuang aldo kebaitan Renato “Katoks” Tayag; karing sablang Angeleño atyu ngeni makaduyan at magyuyu keng lingap na’t lugud ning Ibpa ning Siyudad – Honorable Ed Pamintuan; to our brilliant and very young President of the City College of Angeles – Prof. Averell S. Laquindanum; to our prolifi c Poet/Columnist, presently the AGTACA President, Felix M. Garcia, PLI; to the KATATAGAN Group under the leadership of Rolingel Calilung – and of course to the whole Staff of the City Library, headed by Mrs. Norma S. Razon – without whose joint indefatigable effort, the heaping success of the event would not have been realized into a living reality; to each of you Ladies and Gentlemen of the enthusiastic audience – Mayap a Abak pu!
BAKIT migkule yang gintu-saslag king Alaya?
Bakit kaya itang ambun, kindat-kindat ing kislap na?
Bakit kaya sari gayut… ing limpad ding mariposa?
Bakit kaya retang ayup lilipakpak lang magkanta
At matulang mamagkoplas, lipat-lipat karing sanga?
Inia pala sabla ngeni sasaganang maligaya…
Uling ‘Birthday’ ning mapuring Abogado at Poeta!
Ing kekatang parangalan, mibantug yangTalasulat
Gugulis na ing katutuan ning Pluma nang alang kanlap;
‘Niang magaral ya pa U.P. meging makudta nenga ganap,
Ikua ne’yng “Primerang Galal” keng poesia nang sinulat!
Bubut ya pang peryodista, ing tapang na mibulalag
Kareng kayang Editoryal ampon isyung milalablab!
Dapat ta’yang palakpakan, iting anak na ning Culiat
Abogadong matenakan…y Renato “Katoks” Tayag!
Kaluguran ne’t kaklasi kaniang kursong Abogasya,
Meging Presidente Marcos a supling ning Ilokandya;
Iniang meabsueltu ya’yti keng “Murder Case” na kanita,
Y ‘Katoks” yang sinagana, pagdala neng piblasan na!
Miyagnan lang mig-“Bar Exam” – 1940 ya ing petsa;
At keng bitbit dang kabiasnan, alang sulit – mipasar la!
Miyabe la keng Bupete – parehung “De Campanilla”,
Paglualu ro deng kliyente…kalulu man o makualta!
Dapot bigung kalmang siwal, memaksing ing Giyera Mundial,
Antimong ‘reserve offi cers’ meyaus la keng labanan;
Ketang kampo king Zambales abe re’y Ramon Magsaysay
At y “Katoks” keng Dibisyun yang ‘Adjutant’ keng Arsenal,
Miagape la ilang Marcos king kakewan ning Bataan
Angga keng ‘Infamous Death March’ o “Martsa ning Kamatayan!”
Kaibat na ning Liberasyun, katuklip ning lamutakan
Mibalik yang mengabiayan…anting payapang sibilyan.
Ketang tyempu ning ‘Martial Law’ – antimong kakaluguran
Aplit neng payaus Marcos ban dinan neng katungkulan,
Dapot e na tinggap “Katoks”, tinggian na’yting mitmung galang
Mas biryan na’yng Pamanyulat at maglualung katuliran
Keng pinili nang simpling bie… dakal ya pa asasaupan
Uling dakal magumasid nung atyu keng Kapamalan;
Inia, nuan ka Katoks Tayag keng prinsipyu’t katapatan,
Dangal na ka ning Pampanga at ning Labuad tamung Tibuan!!
