ANG ‘State of the Town Address’ ni Mayor Wong
nang ngayo’y maunlad na bayang San Simon,
kaugnay ng ika-Isang Daan (100th ) Araw
ng ‘2nd term’ niya, na ginanap nitong
Nakaraang Biernes sa simbahan mismo
ng bayang naturan ay siya lang siguro
itong bukod-tangi sa pagka-alam ko,
ang gumawa r’yan ng bagay na ganito
Sa lahat ng naging Alkalde ng bayan,
sapol ang San Simon ganap nakilalang
naging tahanan ng mga pang-industryal
na kumpanyang iba’t-iba ang kalakal.
At sa lahat na rin ng naging Alkalde
ay sa kamay pa lang ni Mrs. Wong pati,
nakita ang mahusay na pagsisilbi
ng lahat na, at ang service ay ‘Red Tape Free’
Na pinatutupad ng butihing Mayor
sa mga kawani – at computerization
ang pag-proseso ng mga dokumentong
kailangan kung kaya lahat ‘iwas kotong’
Kasi nang dahil sa ‘computerization’ din
pati pagtuos sa kwenta ng bayarin
sa ‘tax’ halimbawa ng ‘investors’ na rin,
anong sa kanila pupuedeng kuputin?
At kahit kanino kung computer mismo
ang magtatala sa bayarin ng tao?
Sapagkat ultimong barya o sentimo
sa sistemang yan ay kwentado ng husto
At ‘no room’ ika nga para makupitan
ang ‘investors’ dito o namumuhunan,
(Kaya naman ‘within a span of 3 months’ lang
sa ‘2nd term’ ni Mam kumita ang bayan
Ng ‘eight fi gures’ gaya ng bigay na Ulat
sa Bayan ng Mayor na napakasipag,
mula sa buwis at/o kaya ‘business tax’
ng mga ‘investors’ sa munisipalidad;
Na mga ‘industrial establishments’ saka
iba’t-ibang uri r’yan ng kalakal pa;)
At ang pagkuha ng permit o lisensya
Ng business sector lubhang magaang na
At napakadali ng bagong proseso
na ipina-iiral sa munisipyo;
Kung saan sa loob ng kinse minuto
ay matatapos ang iyong dokumento
Sanhi nitong makabagong pamaraan,
at/o ‘computerized’ ang lahat ng bagay
na mga pagkilos sa mga tanggapan,
kaya makukuha sa isang lakaran
Ang anumang papeles na nilalakad,
at sa opisina’y may daratnan tiyak;
Dahil alas 7:00 pa lamang ay bukas
na ang mayor’s offi ce (kundi man ang lahat).
At kahit paglampas na ng alas singko,
may daratnan ka pa na mag-aasikaso;
(Di tulad dati na bandang alas kuatro
ng hapon ay wala ng katau-tao!)
Pero sa panahon ng panunugkulan
ni Mayor Wong di na umiral ang ganyan,
pagkat bilang lider ay pinangunahan
ang ‘effective public service’ kaninuman.
Sa pangkalahatan, ay serbisyong tapat
sa mga Kabalen ang una sa lahat
para kay Mayor Wong – kaya walang ‘corrupt’
sa San Simon mula nang maupo’t sukat!
