Panahon na upang kumilos marahil
Ang ating mga lider na magagaling
Dito sa Pampanga upang bigyang pansin
Itong ‘abuse of power’ nang maituturing
Ng administrasyong Aquino kay Madam
Gloria Macapagal-Arroyo, kung saan
Siya’y patuloy na pinagkakaitan
Ng kanyang legal na mga karapatan
Bilang Solon para irepresenta niya
Sa Congress ang 2nd District of Pampanga,
Dahil ‘under hospital arrest’ pa rin siya
At ni hindi makadalo sa Kamara
Upang magampanan ang kanyang tungkulin
Sanhi ng aywan lang kung tamang sabihin
Na di makataong sa kanya pagpigil
Ng kasalukuyang head of state na rin?
O ng ating mahal na Pangulong PNoy,
Na mai-exercise ng dating Pangulong
Gloria Arroyo ang representasyon
Niya sa Kongreso sa tamang panahon?
Marapat lamang na siya’y bigyang laya
Upang ang tungkulin magampanang kusa,
At di tulad nitong kulang na lang yata
Ay idiretso na siya ng Muntinlupa?
Para ipakulong ng Administration,
At ang tinatawag po nating ‘presumption
of innocence’ para kay dating Pangulong
Gloria Macapagal sa kung anong kasong
Isinampa laban sa kanya’y di muna
daraan sa tamang ‘due process’ kumbaga?
Kung saan masahol pa sa diktaduria,
Ang batas na ginamit kay Madam Gloria!
Pagkat tunay namang mga diktador lang
Ang kayang gumawa sa nasasakupan
Ng ‘undemocratic’ na pamamaraan,
Gaya ng patuloy na panggigipit niyan
Sa pinaka-popular na naging Pangulo,
Na ninanasa ng rehimeng Aquino
Ay maipakulong kahit di pa piho
Na ang akusasyon ay ginawa nito?
Kaya tama lamang at napapanahon
Itong ninanasang sa Congress isulong
Ng mga Cabalen ‘through a resolution
seeking CGMA release from detention.’
Na isusumite sa pamamagitan
Ng mga representateng Kapampangan
Sa pagbubukas nitong buwan ng July,
Para sa agaran nilang kahilingan
Na mailipat sa kustodia ng Congress
Mula sa mahigpit na ‘hospital arrest’
Ng ating mahal na Congresswoman elect
Nang maharap para sa kanyang ‘constituents’
Ang tungkuling marapat nitong gampanan
Sa panahon ng kanyang panunungkulan;
At di tulad nitong akusasyon pa lang
Ay ipinakulong na ng pamahalaan
At patuloy pa rin siyang nakapiit,
Gayong ang kaso ay di pa dinidinig;
Kaya ano pa bang ating maiisip
Sa puntong yan kundi ng ‘delaying tactics’
Ng rehimeng Aquino itong patuloy na
‘Hospital arrest’ sa ating Kongresista;
Kung saan ang 2nd District ng Pampanga
Itong nawalan ng bosis sa Kamara!
