Kung totoo itong alingasngas hinggil
Kay ex-mayor Edgar Flores ng Minalin
Na kinasuhansiya ni ngayon ay ‘sitting
Mayor’ Katoy Naguit sa kung anong klaseng
Kapalpakan ba o kawalan ng sapat
Na kaalaman sa prosesong marapat
Isakatuparan bago magpatupad
Ng anumang bagay na gustong ilunsad?
Gaya na lang nitong kanyang pinagawang
‘Multi-purpose center’ sa sarili nilang
Lupa na minana sa mga magulang,
Na di nagdaan sa tamang kalakaran;
Dahilan na rin sa nakapangalan pa
Ang lupa, sa Tatay niyang namatay na;
At kuwarta ng bayan ang ginamit niya
Sa naturang pampublikong istraktura.
Na tunay naman ding ito ay paglabag
Sa ‘Anti Graft and/or Corrupt Practices Act’
At iba pang nasasaad sa ‘ting batas,
Ang gamitin yan ng di pa nailipat
Ang ‘title’ ng lupa sa pamahalaan
Bago ipatayo ang anumang bagay,
Sapagkat di kailan man pinapayagan
Ng ating gobyerno ang katulad po n’yan.
O dahil na rin sa si Ex-mayor Flores
Nang panahong iyon ay ‘over excited’
Sa pagpapatayo nitong ‘aforecited’
Na center kundi man ‘personal interest’
Itong nangibabaw kung kaya maaring
Di niya naisip ang kasasapitin
Sakali’t ang makapalit sa tungkulin
Ay maalam at may katutubong galing
Para maiwasto sa dapat kalagyan
Itong matatawag nating ‘grave ignorance
Of law’ na nagawa ng dating Mayor diyan,
Kung di man posibleng yan ay ‘intentional’
Na maipagawa niya ang nasabing
Anila ay isang ‘multi-purpose building’
Sa pribadong lupa na tunay naman ding
Yan ay wala kahit kapirasong papel
Na magpapatunay na ya’y pinagbili
O ‘deeds of donation’ sa puntong nasabi,
For and in behalf of the Municipality
Of Minalin bago talagang pupuede
Nilang pagtayuhan ng kahit ano lang
Ay tunay din namang may pananagutan
Si ex-mayor Flores sa puntong naturan,
Ng ‘anti graft’ sa Office of the Ombudsman
Na kung saan ito ay naisampa na
Ng ‘incumbent mayor,’na nagkataon pa
Sa ‘election period’ kaya itong iba
Ang akala nila ay ‘black propaganda?’
Na di naman puedeng pabayaan na lang
Ng butihing mayor’ ang pangyayaring yan,
Ngayong ang LRC ay naglabas na riyan
Ng sertipikasyon na nagpapatunay
Na nakapangalan ang naturang lote
Kay Francisco Flores (sa madaling sabi),
Na siyang ama nitong tinalong Alkalde,
Ng ‘sitting mayor’ na siyang ‘complainant’ bale.
Pagkat bilang isang ‘local executive’
Ay katungkulan ni Mayor Katoy Naguit
Ang protektaan niya pati ang interest
At properties ng ‘municipal government’
Kahit na posibleng masabi ng iba
Na ya’y harassment o pamumulitika
Ni Naguit laban sa katunggali niya?
KABALEN ang siyang bahalang humusga!
