Sa wakas, makalipas ang ilang taon
Ng pagnanais ni ‘longest sitting mayor,
Marino Morales of Mabalacat town’,
Matutupad na rin ang isinusulong
Ng butihing Punongbayan na naturan
Na naging aktibo sa panunungkulan,
At walang inisip kundi kapakanan
Ng Mabalacat at kanyang kababayan.
At kabilang nga sa ninais mangyari
Ni Boking mula nang siya’y maging Alkalde
Ay itong sana ay ganap maging ‘city’
Ang naturang bayan hangga’t maaari.
Kaya naman lahat na ng pagsisikap
Upang bayan niya ay lalong umunlad,
Ay hinangad niyang mapabilang dapat
Sa progressive city itong Mabalacat.
Katuwang ang SB na naging ‘supportive’
Sa nais nito na yan ay makamit,
Ngayon pa lamang ay ating nasisilip
Na “Yes” ang resulta nitong botong higit
Papabor kay Boking, na ang Mabalacat
Ay mapabilang sa asensadong siyudad
Dahilan na rin sa yan ay mag-aangat
Sa ekonomya ng buong komunidad.
At higit sa dating serbisyo publiko
Na kayang ibigay ng nasa gobyerno,
Partikular na r’yan ng Alkalde mismo
Ay tiyakang higit na mag-iibayo.
Sapagkat maliban sa kanilang IRA
Ay may karagdagang matatanggap sila
Mula sa ‘national government’ kapagka
Itong Mabalacat ay naging lungsod na.
Alalaon baga, sa puntong naturan
Ay tunay naman ding panalo, kundi man
Higit pa sa doble ang matatanggap n’yan
Kung “Yes” itong higit na mangingibabaw.
Sa isang ‘referendum’ na nakatakda nang
Gaganapin nitong beinte (21) ng buwan
Sa mga ‘polling place’ ng nasabing bayan,
Na inaasahang lubos papaboran
Nitong mahigit sa nobenta porsyento
Ng ‘electorate’ ng Mabalacat mismo,
Pagkat batid nilang ang tunguhin nito
Ay kaganapan ng tunay na asesnso
At kaunlaran sa bayang Mabalacat,
Kung saan sila rin naman itong sukat
Makinabang sa biyayang matatangap
Ng lugar kapaka ito’y naging siyudad.
Kaya sa puntong yan ay nanawagan
Si Mayor Morales sa kanyang kabayan,
Na magka-isa na sa adhikaing yan
Ang lahat – at mag-“Yes” sa kasagutan n’yan
Sa balota na kung saan isusulat
Ang kanilang pasiya – kung sila ay payag
O hindi – na ang bayan ng Mabalacat
Ay dapat na nga ba itong maging siyudad?
Kung saan gaya ng naunang tinuran
Ni ‘yours truly’ ay tunay na kaunlaran
Sa ‘Mabalacat town’ ang puedeng asahan
Kapag ito’y naging lungsod nang tuluyan!
