SUBIC, Zambales – Kalaboso ang sinapit ng limang kalalakihan nang masakote ng mga tauhan ng Subic PNP at makuhanan ng ipinagbabawal na droga sa bayang ito.
Kinilala ni Chief Inspector Oriano Mina, hepe ng Subic PNP, ang mga suspek na sina Mar Rucod, 44; Wilson Coral, 27; Benjamin Miguel, 30; at Moncheito Desoacido, 59, pawang tricycle driver.
Ang mga suspek ay nauna nang nahuling nagsusugal sa Burgos St., Barangay Wawandueat narekober sa pag-iingat ng mga ito ang isang deck ng baraha at pera na nagkakahalaga ng P536. Nakuha pa sa pag-iingat ng mga suspek ang plastic sachet na hinihinalang naglalaman ng shabu.
Samantalang, huli naman sa Barangay Ilwas, Subic ang suspek na si Benjie Carnaje, 37, matapos itong ireklamo ng kanyang asawa dahil sa ginagawa nitong panggugulo sa kanilang bahay at nakuha sa pag-iingat nito ang dalawang plastic sachet ng shabu.
Kasong paglabag sa Section 11, Article ll ng RA 9165 ang kinahaharap ng mga suspek habang ang mga ito ay detinido sa Subic Police detention cell.
