OLONGAPO CITY – Nahulog sa bitag ng mga tauhan ng Olongapo City PNP ang apat na drug pushers sa magkakahiwalay na drug operation ng pulisya sa Barangay Barretto sa lungsod na ito.
Huli sa aktong nagbebenta ng shabu ng mga tauhan ng Police Station 6 at mga barangay officials ang mga suspek na sina Roan Pontero, 34, Rodel Quinto, 43, at Michael Ancaya, 36, pawang mga residente ng Geronimo Extention, Purok 7, Barangay Barretto.
Nakuha sa pag-iingat ng mga suspek ang P200 marked money at 2.5 grams ng shabu na nagkakahalaga ng P13,000.
Huli din ang suspek na si Alex Francis Montes, 34, ng No. 1 Salang St., Barangay Matain, Subic, Zambales, makaraan itong magdeliver sa isang police poseur buyer ng 2.3 grams ng shabu sa Manggahan St., Barangay Barretto.
Nakuha sa pag-iingat ng suspek ang isa pang plastic sachet ng shabu na tumitimbang ng 5.0 grams at kalibre 38 paltik na baril na may lamang limang bala.
Ang mga suspek ay ipinagharap na sa kasong paglabag sa RA 9165 at illegal possession of firearms and ammunitions.
