Patay ang mga suspek na kinilala sa mga alyas na Tonton, Dolfo, Paquito at Toto habang arestado naman ang barangay tanod ng Caniogan na si Rodolfo Leoncio.
Ayon kay Supt. Heryl Bruno, hepe ng Malolos PNP, kumagat sa buy-bust operation ang main target na si Tonton ngunit nanlaban matapos matunugan na pulis ang katransaksyon.
Agad na napatay ang mga kasama nito na si Toto at Paquito ngunit nakatakas si Tonton at Dolfo na lumipat sa kabilang bakuran.
Tinugis ang mga ito ng kapulisan at doon na napatay sa loob ng bahay ang dalawa.
Narekober sa kanila ang isang .45 pistola, tatlong improvised shotgun, mga sachet ng hinihinalang shabu, drug paraphernalia at marked money.
May nakuha din na costume ng Gorilla laban kay Tonton na sinasabing gamit din nito sa panghoholdap.
Ayon pa sa PNP, bukod sa nasa drug watchlist ang mga suspek ay involved din ang mga ito sa robbery-holdup.
Narekober din ang tatlong motorsiklo na kinakatay ng mga suspek na hinihinala ding carnapped.
