Puro malalaking artista ang darating para sa taunang award ng Star Awards for Movies. Bale silver anniversary na ng club kung kaya bongga talaga ang gagawing pagtatanghal.
Nag-shoot na sina Piolo Pascual at KC Concepcion last Saturday sa Mowelfund bilang trivia host ng 25th PMPC (Philippine Movie Press Club) Star Awards for Movies na gaganapin sa Henry Lee Irwin Theater ng Ateneo de Manila University sa Loyola Heights, Quezon City sa May 28, 7 p.m.
Sina Maricel Soriano, Ai-Ai de las Alas at Cesar Montano ang hosts sa naturang silver anniversary ng Star Awards at ididirehe naman ng rising director na si GB Sampedro.
Sa gaganaping awards night, pararangalan ng PMPC si Vilma Santos bilang Ulirang Artista sa ayaw at sa gusto ng Noranians na nagre-react.
Ang 25th PMPC Star Awards for Movies is being produced by FLT Productions, Inc. nina Rose “Mommy Rose” Flaminiano at (co-producer) Christina Kitt.
