SUBIC BAY FREEPORT –Labing-apat na medical technologist ang kailangan ng Subic Bay Metropolitan Authority para sa pagsisimula ng operasyon ng bagong tayo na Philippine Red Cross Covid-19 mass testing facility dito.
Ayon kay SBMA chair and administrator Atty. Wilma Eisma, tatanggap ng mahigit P40,000 na buwanang sahod ang aplikanteng mapipili kabilang na ang basic pay na P28,000, hazard pay na P7,000, at benefits na aabot sa P5,250.
Kinakailangang nagtapos ng kursong BS Medical Technology, rehistrado bilang medical technologist at mayroong karanasan at sinanay sa molecular biology procedure ang mga aplikante.
Hinihikayat din na magpadala ng kanilang resume ang mga aplikanteng hindi pa rehistradong medical technologist.
Ang mga interesadong aplikante ay maaaring mag email ng kanilang resume sa srjacalne@sbma.com at phsd@sbma.com.
