Hindi bababa sa 1500 miyembro at stakeholders mula sa iba’t-ibang lalawigan ng Region III sa pangunguna nina dating Pangulo Gloria Macapagal-Arroyo at Pampanga Vice Governor Lilia “Nanay” Pineda at kinatawan ng mga Z benefit contracted providers sa rehiyon ang nagkatipon nitong Lunes, Agosto 12 sa Bren Z. Guiao Sports Complex and Convention Center sa makasaysayang lungsod ng Sanย Fernando, Pampanga para sa kauna-unahang PhilHealth Z Benefits Summit.
Nilalayon ng Summit na ipabatid sa mas maraming Pilipino ang mga pinagbuting Z benefit packages ng PhilHealth gaya ng breast cancer na itinaas sa P1.4 milyon mula sa dating P100 thousand. Inilahad din ang iba pang pakete na pagbubutihin ngayong taon gaya ng cervical at prostate cancers, kidney transplantation, open heart surgeries para sa mga bata, at marami pang iba.
Dinaluhan din ni PhilHealth Chief Emmanuel R. Ledesma, Jr., Area VP Walter R. Bacareza at Regional VP Henry V. Almanon ang nasabing pagtitipon, kung saan binigyang-diin ni Ledesma na bawat Pilipino lalo na ang mga mahihirap ay dapat mabigyan ng tuloy tuloy na access sa dekalidad na serbisyong pangkalusugan. Aniya, “Narito ang PhilHealth para siguruhing mangyayari ito.”
Nanawagan din siya sa mga ospital na sumali na bilang contracted providers ng ibat-ibang Z Benefits: “… as our healthcare partners, you are in this evolving journey with us. You provide not just compassion, but most of all, hope to our members.”
Dahil sa nasabing Summit ay inaasahang lalo pang lalakas ang ugnayan at partnership ng PhilHealth at contracted healthcare facilities sa rehiyon (na sa kasalukuyan ay bumibilang na sa 34 pasilidad) para sa kapakinabangan ng mas maraming Pilipinong mangangailangan ng proteksiyong pinansiyal dahil sa malubhang mga karamdaman.
PhilHealth Z Benefits (Catastrophic Cases):
Coronary Artery Bypass Graft- P550,000
Tetralogy of Fallot-P320,000
Ventricular Septal Defect-P250,000
Acute Lymphocytic/Lymphoblastic Leukemia-P500,000
Breast Cancer-P1.4 Million
Prostate Cancer-P100,000
Cervical Cancer-P120,000 to P175,000
Colon Cancer-P150,000 to P300,000
Rectal Cancer-P150,000 to P400,000
ZMORPH for External Lower Limb Prosthesis-P15,000 to P30,000
Premature or Small Borns:
Prevention of Complications of Preterm Delivery-P600 to P4,000
Preterm (24 weeks to less than 32 weeks) or small newborns (birth weight less than 1,500 grams)- P35,000 to P135,000
Preterm (32 weeks to less than 37 weeks) or small newborns (birth weight 1,500 grams to 2,500 grams)- P24,000 to P71,000
Para sa karagdagang impormasyon, bisitahin angย www.philhealth.gov.ph.
