Home Opinion Ninu karela ing mas mikasala?

Ninu karela ing mas mikasala?

464
0
SHARE

(Kalupa ning sadia, at bilang kapamintuan king metung a ordinansang ipatupad ning Sanggunian Panlalawigan, dikil king kaministilan tamung palual kasulatan a milimbag king Amanung Sisuan,
agiang mapilan mung kasulatan kilub ning pabulan,
iting makatuki ya pamung ibie mi ngeni para king malugud yung pamamasa).

I PABLO at PEDRO a parehung kosyang
Apiyagkatan da ing simba lang
miagnan,
Misan a Domingu, a nu’ tiempu namang
Dakal magpakating danum keng asikan.

Bayu la miras king plaza na ning balen
Makaba-kaba ya pilapil dang beben;
At king patio e la
malaguang miras den
Nung e la mamaltang karing pilapil ken.

Ing pamituki rang mabilis panlakad,
Metigagal uling anti waring sebat
Uli ring ikit dang asan a lalatuat

King sanap-sanapan nang danum ning dayat!

“Itu la at bulig” ngana nining Pedro,
“Nung e ta’la  kuanan
masayang lang pihu;”
“Aba” ngana namang mekibat ning
Pablo,
“E ta’ gagawan yan, mimu
a ya ing Guinu!”

“Ika nung ala kang balak taglus simba,
Aku, malaus ku at malaku
an na ka,”
Ngana nining Pablo kang Pedro’
ng abe na,
King pekibat na n’yan –
ing magpalakuan ya.

Malagua’t salita, melaus ya’ing metung
At melaku
an nemang king dayat dinulung,
Kaybat nang leko ing baru na’t pantalun
Nining mayagap a e mig-urung-sulung.

Ini namang Pablo a keta melaus
Banting makasimba king balen, tinaglus,
E ya mipaindatun at e mamin a lub
,
Ing pamangad
i na manga-urut-urut!

Kasi agiang atyu kilub ning pisamban
Ala king misa ing kayang kaisipan,
Nu’ne atyu karing asan a kelangian
At k
ing kayabe nang kusang migpalakuan.

Ini namang Pedro kabang manasan ya
Ing milyaring iti…isip-isipan na,
A nung baket rugu e ya mekasimba
Pasari da mu ring asan a ikit da.

“Ginu ku pu” ngana, “ikayu nang bala
King kelan tetagan a depat kung kusa;
Ikayu na sanang balang manupaya,
Nung kasalanan man ing kakung agawa”.

King milyaring iti a kusang depat da
Di Pedro at Pablo ing bage antita,
Para mo kekayu… nung atulan ta’la,
INSANU KARELA
ING MAS MIKASALA?

LEAVE A REPLY

Please enter your comment!
Please enter your name here