na kita ng ibang ‘gasoline station’
Ay nagagawa pa rin nilang mangotong
sa mga consumer nila sa maghapon
Tulad na lang nitong nahulian sila
ng anila’y metrong dinoktor kumbaga,
Yan ba’y makataong gawa riyan ng iba
sa kapwa para lang kumita ng ekstra?
Kung may ebidensya’t sapat na batayan
itong diumano ay nakahuli riyan
Sa isang mapangotong na gasolinahan,
isumbong kaagad upang makasuhan.
Kasi, bukod pa sa yan ay malinaw na
pagnanakaw at grabeng pangloloko pa,
Yan ay maituturing din namang Estafa,
na may kaukulang parusa at multa.
Kung saan kabilang yan sa form of deceit,
na nasasaad sa Article 318,
Ng Revised Penal Code; at di lng penalties
ang parusa nga riyan kundi pagkapiit.
Di pa nakuntento itong walanghiya
sa soaring price hike na kadalasa’y bigla,
Ano’t nagagawa pa nilang mandaya
gayong sila rin ay tumatabo na nga?
Maliit pa ba ang sila ay kumita
ng triple halos kung itong gasolina,
Krudo at iba pang uring enerhiya
ay lagi’t-lagi nang pamahal sa tuwina?
Natural lamang kung sila’y may stock d’yan
nitong ano pa mang bagay na naturan,
Kapag itinaas nang hating-gabi yan,
tubong lugaw sila kinabukasan lang.
Kaya ano pa nga bang maituturing
ang pinaggagawa riyan ng tusong matsing,
Kundi malinaw na panloloko sa’tin
at kawalang takot sa batas din natin?
Kaya di sapat na sila’y multahan lang
at i-calibrate ang mga metro din n’yan,
Dahil pagkatapos makapagbayad yan
ay malilibre na sa pananagutan.
Maliban sa multa, saka pagkakulong
ang dapat na maging parusa sa ganun,
Ay kinakailangan din namang maputol
pati na prangkisa riyan ng mga gunggong.
Kasi nga’y posibleng maulit, kabayan
ang panloloko sa atin ng mga yan,
Kapag ito ay di natin na-aksyunan
at di nagawan ng marapat na hakbang.
Pasasaan ba at hindi madadala,
kung bukod sa multa’y makukulong pa nga
Itong sino pa mang manloko sa kapuwa
o sa motorista ay manamantala?
Di lingid sa mga kinauukulang
ahensya ng ating gobyerno, kabayan
Kung sinu-sino ang kapural ng ganyan,
aywan lang kung bakit pinababayaan.
O nang dahil na rin sa nasusuhulan
at palaging busog ang mga tikbalang,
Na wala na yatang ginawa sa buhay
kundi lumamon ng di pinagpaguran?!