1.
Sa panahong ang pangulo ng bansa’y si PRRD
ang pag-inom sa kalye ay ipinagbabawal na dati
pati pagbi-videoke sa kalaliman ng gabi
na tumamlay nang dahil sa ningas kugon mentality
ngayon ay nagbabala ang DILG secretary
na ito’y ipaiiral sa paraang mas matindi
2.
Dahil ayon sa kalihim ay madalas na pagmulan
mga inuman sa kalye ng basagulo’t alitan
may mga nalalasing na wala na sa katinuan
na nangungursunada sa mga taong nagdaraan
ipagbabawal ding muli ang videoke o kantahan
sa kalaliman ng gabing sadyang nakabubulahaw
3.
Noon pa man pinagbawal na ng dating presidente
pag-inom at paglalakad ng hubad sa mga kalye
ganoon din ang paglampas ng oras sa videoke
may katapat na parusa sa sino mang mahuhule
mapipilitang sumunod ang lahat ng residente
sa tulong ng kapulisang sa kanila’y manghuhule
4.
May ilang barangay pa rin naman ang nagpapatupad
sa matagal ng panahong pinaiirall na batas
sila’y hindi nadadaan sa anumang pakiusap
kahit kaibigan pa nila, kumpare at kamag-anak
ngunit mayrong kapitan at kusintidor na kagawad
na hindi mapagsabihan yaong mga lumalabag
5.
Natatakot ang iba na kanilang pagsisitahin
dahil baka sa halalan sila’y di na tangkilikin
gayan ang pag-uugali ng gahaman sa tungkulin
kahit mayroong lumalabag hindi nila pinapansin
ang kamay na bakal na siyang dapat sanang pairalin
di na dapat pagtakhan kung bakit hindi kayang gawin
6.
Buti na lang naisipan ni secretary Remulla
na pamuling paigtingin ang nasabing ordinansa
sa ganitong paraan ay sisibol ang disiplina
nitong mga mamamayang tila di na alintana
lalo na ang kabataang sinasabing siyang pag-asa
nitong ating inang-bayan na sa kanya’y magsasalba
7.
Sana naman ipatupad ng maayos sa barangay
ng walang pinipili at sa paraang pantay-pantay
mga inuman sa kalye at videokeng maiingay
at ang mga tila sigang nakahubad sa lansangan
ang hangarin ng kalihim ay magiging matagumpay
sa tulong ng kawani ng gobyerno at kapulisan
