Today's Punto
Today's Punto
Opinion
Sa kinauukulan
By Felix M. Garcia

Mar 02, 2017

NA NAGRESULTA nga sa pagkadisgraya
ng pasyente gayong ito’y malakas pa,
at kundi nga lang sa lubhang nag-apura
(itong doktor) hindi magkaka-aberya.

Pero kung sana ay kanyang kinausap
muna ang mister n’yan at/o mga anak
at kanya rin namang inisplika’t lahat
ang ‘consequences’ ay pihong di papayag

Na isugal ang buhay ng kapamilya
sa isang delikadong pagsagawa niya
ng pag-‘dialysis,’ kasi mas nais pa
ang iuwi na lang ng buhay, hindi ba?

Kaso, sanhi nga ng uhaw sa salapi
ang naturang ‘Nephrologists’ na malandi
pa kaysa ‘prosti’ kung umarte – pinili
ang kumita yan sa paraang madali.

Pagka basta na nga lang n’yan itinuloy
ang pag-dialysis kahit di tinanong
o nabigyan man lang ng pagkakataon
ang isa ‘to seek for a second opinion’.

Ngunit kung sana nga’y kinausap muna
ng doktor na ‘yan ang marapat talaga
na magdesisyon at sa ‘waiver’ pipirma,
malayong hahantong sa ganyang problema.

Subali’t nang dahil sa oras na iyon
na i-conduct ang maselang operasyon
ay wala si mister… nagawang ituloy
ni I.R. para lang kumita ang mokong?.

At ang isang bagay na kapuna-puna
sa doktor na ‘yan ay sobrang malapit siya
sa apo mismo ng kanyang inopera,
kung kaya’t posibleng ya’y nakumbinsi niya

Na ito na lang ang kanyang papirmahin
sa ‘waiver,’ na isang dokumento mandin
o kasulatan na wari’y nagsasabing
ang doktor ay walang anumang sagutin?

Sakali’t mamatay man o madisgrasya
sa ‘medical treatment’ na gagawin nila?
(Kaya pindangin man tayo nitong iba
ay walang habol ang ating kapamilya?!)

At sa akala ba ng doktor na ito
ay matatakasan basta ang ganito
ngayong ang pumirma ay apo lang mismo
ng pasyente at di ang asawa nito?

Ga’no man kabait ang asawa’t anak
nitong biktima ay di mapapalampas
ang ganyan, kaya nga’t inihabla lahat
pati na ang iba pang managot dapat.

Partikular na r’yan itong nagmadali
na i-dialysis ‘yan at naging sanhi
nga nitong masaklap niyang pagkasawi
sa kamay ng walang kaluluwa’t imbi.

At para kumita lang ang tulad nito
na anila’y dalubhasang siruhano
ay nagagawa nga n’yan kahit ano
masunod lamang ang kakaibang kapritso?

Di baleng ang buhay ng kanilang kapuwa
malagay pati sa panganib ika nga?
Na hayan at sana’y magsilbing babala
sa iba pa itong ating naging paksa.

(Ating ninanais paalalahanan
itong ating ‘subject’ sa puntong naturan,
na isuko na ang naging kasalanan
kay ‘yours truly’ at sa kinauukulan!)



Other Articles on this Category
DISCLAIMER: Views expressed in this section are those of the readers and do not necessarily reflect the editorial position of punto.com. Punto.com does not knowingly publish false information and may not be held liable for the views of readers exercising their right to free expression.

Before posting any comment, please read our editorial policy. Posts that do not conform to our guidelines will be deleted by the moderator.
COMMENTS
Be the first one to put a comment
Powered by:
TeamSoft Web Solutions