True ba na trabaho ang inatupag ni Sarah Geronimo noong Valentine’s Day at wala silang oras ni Gerald Anderson na mag-date?

Kung sabagay  tanghali pa lang  ay kapiling na niya ang press people para sa bago niyang show sa ABS-CBN 2 na ‘Sarah G Live!’.

 ”Every Valentine’s Day naman po may trabaho naman ako, e,” sambit niya.

 ”Hindi naman siya ‘yong something na parang nilu-look forward ko talaga,” sey niya.

Yes, handang-handa na ang pinakabatang Pinoy pop royalty na si Sarah Geronimo sa kanyang sariling live solo musical variety show sa ABS-CBN na “Sarah G. Live.”

Tampok ang kanyang mga hindi mapapantayang world-class concert performances na magpapatunay na siya ang pinakamaningning na bituin ng kanilang henerasyon.

Bukod sa kanyang singing talent, ibabahagi rin ni Sarah sa “Sarah G. Live” ang kanyang mga personal na karanasan at ilang never-before-seen ‘Sarah G. moments’ na tiyak ikaliligaya ng fans.

Makakasama ni Sarah na magpasaya sa “Sarah G. Live” ang co-host niyang si Luis Manzano, musical director Louie Ocampo, choreographer Georcelle Dapat-Sy, at director Erick Salud.

Tampok rin sa show ang G Force at si Gab Valenciano bilang dance performers and isang special guest co-host kada linggo.

Huwag palampasin ang engrandeng pagbubukas ng “Sarah G. Live,” sa Pebrero 26 (Linggo), pagkatapos ng “Rated K.” sa ABS-CBN 2.